Bahmýtova medıtsınalyq saqtandyrý qoryna jarna qalaı aýdarylatyndyǵyn túsindirdi
ASTANA. QazAqparat - Búgin QR Parlamenti Senatynyń Áleýmettik-mádenı damý jáne ǵylym komıtetinde mindetti áleýmettik medıtsınalyq saqtandyrý máseleleri qaraldy.
Otyrysta atalǵan másele jaıynda negizgi baıandama jasaǵan Mindetti áleýmettik medıtsınalyq saqtandyrý qorynyń basshysy Elena Bahmýtova jumysshylardyń nelikten 2019 jyldan bastap jarna aýdara bastaıtyndyǵyn túsindirdi.
«2019 jyldan bastap jumysshy jarna tóleı bastaıdy. Al jumys berýshi bul ýaqytta jańa norma boıynsha 1,5 paıyz tólep otyrady. Esterińizge sala ketsem, jeke kásipker eń tómengi 2 jalaqynyń 5 paıyzy mólsherinde jarna engizedi. Basqa sanattaǵylar Zańdaǵy ózgeristerge sáıkes aılyq jalaqydan 5 paıyz tólese, jeńildigi barlarǵa memleket 2017 jyly ortasha jalaqydan 4 paıyz aýdarady», dedi ol.
Onyń aıtýynsha, 1 shildeden bastap jumys berýshi 1 paıyz, al 2022 jyly 3 paıyz mólsherinde jarna aýdarady. Sonyń nátıjesinde 2017-2020 jyldary aralyǵynda jumys berýshige júkteme birshama jeńildeıdi.
«Bıýdjet júktemesi de birshama jeńildeıdi. Atap aıtqanda, maksımaldy stavka 7-den 5 paıyzǵa deıin tómendetildi. Al 2018 jyldyń 1 qańtarynan memleket 3,75 paıyz ǵana jarna tóleıdi. 2022 jyldan bastap 4-ten 5 paıyzǵa deıin artýy múmkin. biraq bul respýblıkalyq bıýdjetti qaraý aıasynda sheshiledi»,- dedi Bahmýtova.
