Baǵlan Іńkárbek: sportshylarymyz Olımpıadaǵa daıyn

LIVINЬO.KAZINFORM – Frıstaıl-akrobatıkadan Qazaqstan ulttyq quramasy Italııada ótetin XXV qysqy Olımpıada oıyndary qarsańynda alǵashqy jattyǵýyn ótkizdi.

Jattyǵýdan keıin, ulttyq qurama bas bapkeri Baǵlan Іńkárbek Kazinform tilshisine suhbat berip, daıyndyq týraly aıtyp berdi.

- Búgin Olımpıada oıyndary aldyndaǵy alǵashqy resmı jattyǵýymyzdy ótkizdik. Daıyndyq oıdaǵydaı, josparǵa sáıkes ótti. Sportshylarymyzdyń kóńil kúıi jaqsy, Olımpıada oıyndaryna daıynbyz,- dedi bapker.

Ol sonymen qatar jarys alańy týraly pikirimen bólisti.

- Qardyń sapasy óte jaqsy, jasandy qar emes. Biz barlyq jaǵdaıda jattyǵýlar men jarystarǵa qatysyp júrmiz. Sol sebepti, jarys joly qyıyndyq týǵyzbaıdy dep oılaımyn,- dedi Baǵlan.

Bas bapker qarsylastardyń eshqaısysy osal bolmaıtynyn jasyrmady.

- Barlyq qarsylas osal emes. Sol sııaqty bizde aıanyp qalmaımyz. Bul - bappen baq qatar júretin sport túrleriniń biri. Bári oıdaǵydaı bolady dep senemin. Bizge qoldaý bildirińizder,- dedi ol.

Aıta keterligi, frıstaıl-akrobatıka jarysynda el namysyn Sherzod Hashırbaev, Asylhan Asan, Roman Ivanov, Dinmuhamed Raıymqulov jáne Aıana Joldas qorǵaıdy.

Otandastarymyz 17 aqpannan bastap jekeleı saıysta, sonymen qatar aralas syndada baq synaıdy.

Eske sala ketsek, Sherzod Hashırbaev jáne Roman Ivanov ótken jylǵy qysqy Azııa oıyndarynda frıstaıl-akrobatıkadan erler arasynda sınhrondy sekirý synynda 97.92 upaı jınap, altyn medal enshiledi.

Sondaı-aq, ulttyq qurama bas bapkeri osy tarıhı jetistiktiń qalaı kelgenin aıtyp bergen bolatyn.