Bangkoktegi ǵımarattyń qulaýyna baılanysty tutqyndaý týraly on jeti order berildi

ASTANA. KAZINFORM – Taıland soty jer silkinisi kezinde qulaǵan ǵımarattyń qurylysyna qatysy bar adamdardy tutqynǵa alý úshin 17 order berdi, dep habarlaıdy BBC.

Oshaǵy Mıanmadan bastalǵan 7,7 magnıtýdalyq jer silkinisi kezinde Bangkokte Memlekettik aýdıt basqarmasyna berilgen 30 qabatty ǵımarat qulady.

Bılik ókilderi qırandylar astynan 89 adamnyń denesin taýyp, taǵy 7 adamnyń iz-túzsiz ketkenin anyqtady.

Jergilikti aqparat quraldarynyń habarlaýynsha, polıtsııa isti tergeı kelip, qulaǵan ǵımaratty jobalaý, salý, tehnıkalyq baqylaý jumystaryna qatysy bar adamdardy tutqyndaýǵa order bergen.

Ǵımarat qulaǵan sátte onda 400 jumysshy bolǵan. Qutqarý jumystaryna ushqyshsyz ushatyn apparattar, qyzmettik ıtter, kran men ekskovatorlar jumyldyryldy.

Jer silkinisi saldarynan 3 myńnan astam adam mert boldy. 4500-den astam zardap shekken.

Osyǵan deıin Bangkok turǵyndary qatty jer silkinisine baılanysty evakýatsııalanǵany týraly jazdyq.