Baǵdáýlet Quralbekuly semserlesýden álemdik synda 8-shi oryn aldy
NUR-SULTAN. QazAqparat - Polshanyń Torýn qalasynda ótip jatqan semserlesýden kadetter men jasóspirimder arasyndaǵy álem chempıonatynda qazaqstandyq Baǵdáýlet Quralbekuly alǵashqy segizdikke endi, dep habarlaıdy Olympic.kz.
Semserlesýden jasóspirim erler arasyndaǵy básekede Baǵdáýlet bolashaq álem chempıony, ıtalııalyq Roma Lorentsodan bir upaı aıyrmashylyǵymen jeńildi. Esep - 14:15.
Alǵashqy tórttikke ene almaǵan qazaqstandyq sportshy jalpy esepte 8-shi oryn ıelendi.
Álem chempıonatynda qylyshtan bólek, rapıra men semserden bólek jekeleı jáne komandalyq synda jeńimpazdar anyqtalmaq. Jarys 14 sáýirge deıin jalǵasady.
