Baǵdat Mýsın: Jeke tulǵalardyń salyq málimetteri ashyq kózderden alynady
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın salyq tóleýshilerdiń derekter bazasyna ishinara shekteýler engiziletinin málim etti.
«Memlekettik organdardyń barlyq aqparattyq júıelerine revızııa júrgizip jatyrmyz. Áý basta jeke derekterdi qorǵaý bizdiń mindetimizge kirmegen. Al pandemııa kezinde sandyq arnalar jetildirildi. Sondyqtan qazir jumys istep jatyrmyz. Aqparattyq qaýipsizdik komıteti de bir jyl buryn qurylǵan. Ózi basym Qamqor.gov.kz. saıtyn qurǵan bolatynmyn Keıin maǵan da kez-kelgen jaǵdaıda, kez-kelgen adam aqparatty teksere almaıtyndaı etip, qandaı adam aqparat suraıtynyn bilý úshin ony aýtentıfıkatsııa arqyly jasaǵan durys dep túsindirdi. Bul jýrnalısterdi shekteý úshin jasalmaıdy. Bul bizdiń azamattarymyzdyń derbes derekterin qorǵaý úshin jasalady», - deıdi mınıstr.
Baǵdat Mýsın memlekettik organ saıttary arqyly burynǵydaı kez kelgen adamnyń JSN derekterin tabý múmkin bolmaıtynyn eskertti.
«Qazirgi jaǵdaıda aqparattyq qaýipsizdik komıteti osy derekqorǵa qoljetimdilikti durys iske asyrýdyń ártúrli nusqalaryn izdep jatyr. Búgingi kúni biz Memlekettik kirister komıteti tek zańdy tulǵalardyń salyq málimetterin alýǵa ǵana ruqsat beredi degen toqtamǵa keldik», - dep tolyqtyrdy mınıstr.
Eske salsaq, Baǵdat Mýsın Vaktsına – «chıp» salý quraly degen teorııa týraly da pikir bildirdi.
Sondaı-aq, mınıstr Saqbol qosymshasynyń jumys prıntsıpin túsingen bolatyn.
Mınıstrdiń málimetine sensek, bıyl elimizde 750 bazalyq ınternet stansasy salynady.