Baǵdat Mýsın «Vaktsına – «chıp» salý quraly degen teorııaǵa pikir bildirdi
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın BAQ ókilderiniń saýalyna osyndaı jaýap berdi, dep habarlaıdy QazAqparat tilshisi.
«Siz jaqynda koronavırýsqa qarsy vaktsına salǵyzdyńyz. Vaktsınatsııa jáne chıpteý bir-birimen júretin parallel taqyryp ekenin bilesiz. Jaqynda vaktsına alǵan adam retinde, ekinshiden, tehnologııaǵa tikeleı qatysy bar adam retinde «chıp salý» týraly ańyzdyń qanshalyqty negizdi ekenin aıtyńyzshy».
Baǵdat Mýsınge ortalyq kommýnıkaýtsııalar qyzmetinde BAQ tarapynan osyndaı saýal qoıyldy.
«Men mamandarǵa senemin. Qazir búkil álem tsıfrlanǵan. Atom energetıkasy paıda bolǵan kezde onyń aınalasynda da zııandylyǵy týraly alyp qashpa sóz kóp boldy. Iıa, ol zııandy, biraq adamzat kúresin toqtatqan joq qoı. Chıp máselesi de osyǵan uqsas. Tsıfrlandyrý damyp keledi. Sondyqtan adamdar alańdap otyr. Bizdiń Konstıtýtsııamyz ben zańdarymyz buǵan jol bermeıdi. Álemniń eshbir elinde buǵan jol berilmeıdi», - dedi vedomstvo basshysy.
Baǵdat Mýsın vaktsınanyń aǵzaǵa engiziletin suıyqtyq ekenin jáne ony sandyq quralǵa aınaldyrý ázirge fantastıka dep oılaıtynyn qosty.
«Meniń tsıfrlar týraly bilimim vaktsınanyń chıpteý quraly ekenine senýime negiz bermeıdi», - dep túıindedi mınıstr.
Eske salsaq Baǵdat Mýsın Saqbol qosymshasynyń jumys prıntsıpin túsingen bolatyn.
Mınıstrdiń málimetine sensek, bıyl elimizde 750 bazalyq ınternet stansasy salynady.
