Baǵdat Mýsın týrıstik soqpaqtarǵa uıaly baılanys jetkizý úshin ne kerek ekenin aıtty

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın halyq aldyndaǵy esep berý kezdesýinde týrıstik oryndarǵa uıaly baılanys tartý úshin memleketten qarjy bóliný kerektigin aıtty, dep habarlaıdy QazAqparat tilshisi.

«Ulttyq parkter men týrıstik soqpaqtarǵa uıaly baılanys taratý úshin bazalyq stansalar kerek. Bazalyq stansa bolýy úshin anttenaly-machtalyq qurylǵylar salý qajet. Ony ornatý onsha qıyn bolmaǵanymen, oǵan elektr jetkizý qıyn. Sondyqtan biz osy jumystardyń shyǵynyn baǵalap, Mádenıet mınıstrligine joldaımyz. Osydan keıin Mádenıet mınıstrligi qajet qarajattyń kózin izdeıdi», - dedi vedomstvo basshysy.

Sondaı-aq, ol elimizde 1 200 aýylda 4G jolaǵynyń tıisti jelisi tartylmaǵanynn eske saldy.

«Týrıstik áleýetti damytyp, tym bolmaǵanda SOS sıgnal jiberetindeı múmkindik týǵyzý úshin jáne uıaly telefon baılanysyn jetkizý úshin memleket naqty qarajat bólýi kerek. Onyń joldaryn tıisti mınıstrlikpen birge pysyqtaımyz», - dedi Baǵdat Mýsın.