Baǵdat Mýsın til janashyrlaryn «Oyan» baǵdarlamasyna atsalysýǵa shaqyrdy
«Qazaq tilin damytý jolynda IT-salasynyń adamdary ne atqara alatynymyzdy oılap, aǵa baýyrlarymmen osydan jarty jyl buryn Arman Súleımenov baýyrymyzdyń komandasyna «Oyan» degen baǵdarlamany jasaýǵa tapsyrys berdik. Ol baǵdarlama qazaq tilin asa meńgermegen, biraq qarapaıym kúndelikti sózderdi paıdalanyp, sóılesýdi úırengen adamǵa ádebı kitaptardy oqýdy jeńildetedi», - deıdi Baǵdat Mýsın.
Onyń aıtýynsha, bul qajettilik bir adamnyń qazaq tilin jetildirý baǵytynda óz basynan ótkizgen qıyndyqtarynan paıda bolǵan.
«Qıyndyq nede boldy? Tanysymnyń qazaq tilinen repetıtory Áýezovtiń «Abaı jolyn» oqýdy usynypty. Abaımen tanysý barysynda ádebıettegi kúrdeli óz tirkesterin aýdarýda tanysym qınalǵandyqtan, qıyn tirkesterdi repetıtormen birigip aýdara bastady. Óz basy IT salasynyń damýyna úles qosyp jatqan bedeldi tulǵa bolǵandyqtan, meni shaqyrtyp, ádebı kitaptardy oqýdy jeńildetetin iOS jene Android júıeleri úshin baǵdarlama jasaýdy usynyp, men sol iske kirisip kettim», - deıdi Baǵdat Mýsın.
Baǵdat Mýsın jazbasynda Armandy taýyp, qansha qarajat kerek ekenin bilip, ıdeıanyń avtorynyń kómegimen tıisti qarajat jınap, halyqqa ótemaqysyz AppStore men GooglePlay marketterinde jarııa etken.
«Biraq ádebı kitaptardaǵy kúrdeli sóz tirkesterin aýdarý úshin kraýdsorsıng modelin usyndyq. Ideıanyń avtory ózine qıyn sózderdi iriktep, aýdarmalaryn jazyp alǵan dápterin berdi. Biz olardy júktedik. Al jalpy basqa kitaptardyń kúrdeli sóz tirkesterin aýdarý úshin, xalyqtyń arasynda qazaq tilin tolyq bilem deýshiler, atalǵan baǵdarlamanyń ishinde kez kelgen kitapty ashyp qıyn sózderdi belgilep, túsindirmelerińizdi, aýdarmalaryńyzdy jazyp qoısańyz, keleshekte, ádebı kitaptardy oqımyn degen, qazaq tilin jańa meńgerip kele jatqan aǵa baýyrlarǵa kómek bolady. Qazir baǵdarlamany 30 myńǵa jýyq adam júktepti. Sonyń mańyzdylyǵyn túsinetin adamdarǵa, halqymyzdyń ana tilin úırenem degen azamattarǵa kómektesýlerińizdi suraımyn. Júktep, kúrdeli sózderdiń, sóz tirkesterdiń aýdarmasyn jazyp toltyrýyńyzdy ótinemin. Qazaq tiliniń damýy ózimizdiń qolymyzda», - dep jazady Baǵdat Mýsın.
