Baǵdat Mýsın sheteldik ІT-kompanııalardy Qazaqstanda jumys isteýge shaqyrdy
«Astana hub» startaptar halyqaralyq tehnoparkine sheteldik kompanııalardyń relokatsııasy boıynsha biraz suraqtar túsýde. Bizge kórshi elderden ІT-mamandar kelip jatqanyna da birneshe jyl boldy. Sondaı kompanııalardyń biri - inDriver. Qyzmetin qazaqstandyqtar da paıdalanatyn osyndaı komandanyń kelgenine biz qýanyshtymyz. Aıta ketý kerek, Astana_hub áýel bastan halyqaralyq tehnopark retinde qurylǵan. Álemdik deńgeıdegi kompanııalar men mamandarǵa múmkindik berý arqyly biz ózimizge de tıimdi jaǵdaı qalyptastyramyz: sheteldik mamandarmen tájirıbe almasý jáne qazaqstandyqtar úshin jumys ornyn kóbeıtý», - dep jazdy mınıstr óziniń Facebook paraqshasynda.
Búgingi tańda habta 641 ІT-kompanııa tirkelgen, onyń 70-i sheteldik quryltaıshylar. Qazir jaqyn sheteldiń 468 kompanııasy Qazaqstanǵa relokatsııa boıynsha keńes alyp jatyr.
Sonymen birge Baǵdat Mýsın sheteldik kompanııalar úshin Astana habty, ıaǵnı Qazaqstandy tańdaý nelikten tıimdi ekenin túsindirdi.
«Bul rette tehnoparkte qandaı jaǵdaı jasalǵanyn qysqasha aıtyp óteıin: Arnaıy salyq tártibi – habta tirkelgen kompanııalar salyq tólemeıdi, korporatıvtik salyq - 0%. ІT-kompanııalarǵa mundaı jeńildik 4 jyl buryn jasalǵan. Kórshi elder mundaı jeńildikti jýyrda ǵana engizdi, al keıbir elder endi ǵana josparlap jatyr. Ekinshisi – zamanaýı ınfraqurylym. 20 myń sharshy metrdi arzan baǵamen paıdalanýǵa bolady. Bul ofıster ǵana emes, kezdesý oryndary, breınstormıng men tımbıldıng ótkizetin jerler. Onyń ústine, startaptar – tehnopark baǵdarlamalarynyń rezıdentteri habta jumys alańdaryn tegin paıdalana alady. Úshinshisi – vızalyq qoldaý. Bizdiń ІT-habta tirkelgen kompanııalardyń jumysshylary úshin vıza alý men mıgratsııalyq protsester jeńildetilgen. Biz tek tirkelý protsesine ǵana emes, relokatsııa máselesinde de, ıaǵnı qyzmetkerlerdi kóshirý, úı-jaı tabý boıynsha uıymdastyrý jumystaryna da kómektesip jatyrmyz. Al EAEO elderiniń ІT-mamandaryna eshteńe rásimdeýdiń de qajeti joq, birden kelip, jumys isteı berýge bolady. Tek JSN alý kerek, onlaın jasaýǵa bolady nemese bizdiń mamandar kómektesedi», - dep túsindirdi B. Mýsın.
Sonymen birge, SEED stage kezeńinde venchýrlyq qarjylandyrý qarastyrylǵan. Habtyń ózi startaptyń bastama kezeńinde 40 myń dollarǵa deıin salady.
«Venchýrlyq qarjyǵa qoljetimdilik bolmasa, bizdiń ındýstrııadaǵy hab degenniń máni bolmaıdy. Investıtsııa quıýǵa turarlyq startaptardy tabý maqsatynda túrli is-sharalardy jıi ótkizemiz. Bizdiń seriktesimiz VC jyl saıyn qyzyqty startaptarǵa 100 mln dollarǵa deıin bólýge daıyn. Odan bólek, akseleratsııa kýrstaryna tegin qatysýǵa bolady. Barlyq komandalar akseleratsııa boıynsha kýrstardan ótken. Bıznesin damytqysy keletin jas startaperlerge álemniń kásibı mentorlary keńes berip, oqytyp, baǵyt-baǵdar silteıdi. Memleket tarapynan jekemenshik ınnovatsııalyq ІT-mektepterge suranys bar. ıAǵnı ІT-mamandyǵyn ıgergisi keletin kez-kelgen adam TechOrda baǵdarlamasy boıynsha ІT-vaýcherge qol jetkize alady. Jáne ІT-vaýcher kez-kelgen ІT-mektepte jaramdy», - deıdi Baǵdat Mýsın.
Sonymen birge, elge kelmeı-aq, eGOV arqyly zańdy tulǵany tirkeýge bolady. JSN men ETsQ-ny Qazaqstan elshiligi beredi.
«Qazaqstanda ІT-bıznesti iske qosý jáne relokatsııa máseleleri boıynsha telegramda arnaıy chat ashtyq – https://t.me/+uwNsTKMdI7oyZTUy. 3 myńnan astam qatysýshysy bar chatta habtaǵy áriptesterimmen birge túrli saýaldarǵa jaýap berip jatyr. Qazaqstan – júzden astam ult pen ulys turyp jatqan qonaqjaı el. Bizdiń eldiń ıgiligi úshin eńbektenip, damýyna úles qosatyn kisilerge esigimiz ashyq. Bizdiń elde eńbektenip, zańdy tulǵa ashqysy keletinder úshin Astana habtyń mamandary arnaıy nusqaýlyq ázirledi», - dep jazdy Tsıfrlyq damý mınıstri.