Baǵdat Mýsın mobıldi ınternet júrgizilgen aýylda bolyp qaıtty
«250 shaqty adam turatyn aýyldarǵa ınternet jetkizý baǵdarlamasy boıynsha júrgizilgen jumysty óz kózimmen kórip qaıtaıyn dep, bıylǵy jyldaǵy sońǵy issaparymdy Nur-Sultannan 250 shaqyrymdaǵy Birsýat atty aýylynda ótkizdim. Bul aýylda 400-den astam adam turady, mektep te bar. Uıaly ınternet osy jylda paıda bolyp, endi aýyl turǵyndary 4G arqyly jan-jaqtaǵy aǵaıyn-týystaryn vıdeobaılanyspen quttyqtaı alatynyna rızamyn.
Bailanys. Bar arqyly ınternet sapasyn ólshep edim, 40 Mbps jyldamdyǵymen ushyp tur eken», - dep jazdy Baǵdat Mýsın Instagram -daǵy paraqshasynda.
Mınıstr osyndaı jyldamdyqty búkil jerde júrgizý úshin baılanys operatorlarymen birge áli talaı jumys júrgizetinin jetkizdi.
«Biraq nátıjelerimiz árıne kórinip tur. Pandemııa men aıazǵa qaramastan jumysty jalǵastyryp jatqan barlyq qurylysshylarǵa jáne ınjenerlerge alǵys aıtamyn!», - dedi Baǵdat Mýsın.
Eske sala ketsek, taıaýda Tsıfrlyq damý, ınnovatsııalar jáne aeroǵarysh ónerkásibi mınıstri eGov portalynyń elektrondy tsıfrlyq qoltańbasyz tirkeletin nusqasyn tanystyrǵan bolatyn.
