Baǵdat Mýsın mobıldi ınternet sapasynyń nashar bolý sebebin túsindirdi
«Búginde qalalardaǵy mobıldi ınternet úshin negizgi kedergi radıo qyzmetter ekendigin únemi aıtyp júrmin. Radıo qyzmet máselelerin retteý úshin qazirgi ýaqytta Májiliste zańnamalyq bastama talqylanyp jatyr. Bir adamnyń shaǵymy úshin qalǵan 99 turǵyn zardap shekpeýi tıis. ıAǵnı, ol úıiniń tóbesinde bazalyq stansanyń turǵanyn qalamasa, qalǵan 99 turǵyn qalaıtyn bolsa, onda biz bazalyq stansany alyp tastaýǵa májbúr bolmaýymyz qajet. Búginde myńdaǵan bazalyq stansany basqa jaqqa aýystyrýǵa májbúrmiz», - dedi ol Senattyń jalpy otyrysynan keıin BAQ ókilderine bergen suhbatynda.
Onyń atap ótýinshe, bazalyq stansa qurylǵy sanalady.
«Eger bul qurylǵy bir orynda turaqty tursa, onda baılanys sapasy nasharlamaıdy. Qoldanystaǵy zańnamaǵa sáıkes, stansanyń turǵany bireýge unamasa, onda operator jadbyqty sheship alyp, ornatatyn jańa oryn izdeýge májbúr. Ornatatyn jerden bólek, bazalyq stansa aýystyrýǵa da qarajat ketedi. Ol tek temir qurylǵy emes. Oǵan qajetti jeli de tartý qajet. ıAǵnı, bazalyq stansa jumys isteýi úshin oǵan optıkalyq kabel kerek», - dedi Baǵdat Mýsın.
