Baǵdat Mýsın: Memleket bıýdjetine kiris ákeletin ІT naryǵyn qalyptastyrǵym keledi
Bul týraly ol óziniń Facebook paraqshasynda jazdy, dep habarlaıdy QazAqparat.
«Keshe ІT-naryqtaǵy ókildermen tehnıkalyq kezdesý ótti. Júzdesýde men platformalyq modeldi engizý jáne ІT júıelerin qaıta qaraý aıasynda qalaı jumys isteıtinimizdi ashyq aıttym. Búgin men 2004 jyldan bastap memlekettik organdardyń bıýdjetin ıgerip, eldiń aqparattyq júıesi qalaı jumys isteıtinin bilgisi keletinderdi shaqyrǵym keledi. Bizdegi naryq shashyrańqy jáne júıeler jónsiz jumys isteıdi degen áńgime ótken kúnniń enshisinde ekenin de aıtqym keledi. Meniń mınıstr retindegi mindetim - el ishinde básekege qabiletti qyzmetterdi usyna alatyn myqty naryq qurý.
Men memlekettik bıýdjetti paıdalanyp qana qoımaı, sonymen qatar syrtqy naryqta aqsha taba alatyn jáne memlekettik bıýdjetke qarajat ákeletin ІT naryǵyn oıatqym keledi. Árıne eldegi básekeles naryqtyń oıanyp, biz qabyldaǵan sheshimderge jaýap berip, oǵan qatysýǵa daıyn ekendigi qýantady. Keshe aıtqanymdaı, aqparattyq-kommýnıkatsııalyq platforma jáne oǵan Sberbanktiń qatysý máselesi talqylanýda. Naryq qatysýshylary osyndaı daıyn sheshimdi usyna almaıtyndyqtaryn moıyndady. Naqty sheshim shyqqansha qazirgi týyndaǵan máseleni birigip sheshýde jumys isteıtin ortaq qural usynady degen senimdemin. Sondyqtan ІT saladan tys júrgen sarapshylardyń ekiudaı pikirine tikeleı efırde jaýap berip ári UKP ІT komıtetiniń ókilderi Isın men Basheevtiń de usynystaryn tyńdaǵym keledi»,-dep jazdy mınıstr.
