Baǵdat Mýsın mamandandyrylǵan HQKO-daǵy jemqorlyq týraly pikir bildirdi
Bul týraly ol óziniń Facebook -tegi paraqshasynda jazdy, dep habarlaıdy QazAqparat.
Vıtse-mınıstrdiń jazýynsha, koronavırýs indetine baılanysty kórsetiletin memlekettik qyzmetter nemese halyqqa qyzmet kórsetý ortalyqtarynyń (HQKO) jumysy onlaın rejımge kóshirildi. Kezekti hronologııa boıynsha onlaın brondaý protsesi buryn eGov.kz portaly men Telegram-bot arqyly júzege asyrylyp keldi.
«Qazirgi tańda mamandandyrylǵan halyqqa qyzmet kórsetý ortalyqtarynda belgili bir somaǵa qandaı da bir qyzmet túrlerin alýǵa «kómek» kórsetýshiler paıda bolǵany eshkimge jasyryn emes. ıAǵnı olar aldyn ala bron jasaıdy da, óziniń kezegimen sizdiń qyzmet alýyńyzǵa múmkindik jasap, sol úshin sizden aqy alady. Mine, osyndaı «kóleńkeli qyzmetterdiń» aldyn alý úshin kezekti brondaýdyń taǵy bir ádisi engizildi. Oǵan sizdiń jeke sáıkestendirý nómirińiz kerek jáne HQKO qyzmetin 10 kúnde 1 retten artyq paıdalana almaıtyndaı shekteý qoıyldy. Alaıda, maǵan odan keıin de kezekti satý áreketteri áli de jalǵasyp kele jatqandyǵy týraly habar kelip túsip jatyr. Ótken aptanyń sońynda osy máselemen myqtap aınalysyp, Azamattarǵa arnalǵan úkimeti basshylyǵyna jemqorlyqpen baılanysty osyndaı áreketterdiń aldyn alýǵa baǵyttalǵan jańa mehanızm iske qosylǵansha jaǵdaıdy baqylaýda ustaýdy tapsyrdym. Jańa tásil boıynsha, kólik nómirine nemese satýshynyń bolmasa satyp alýshynyń JSN-ne tirkeý júrgiziledi»,-deıdi Baǵdat Mýsın.
Osy rette ol atalǵan problema boıynsha, azamattardyń usynys, pikirleri bolsa tyńdaýǵa daıyn ekenin jetkizgen.