Baǵdat Mýsın Qazaqstanǵa +997 telefon kody ne úshin kerektigin túsindirdi

NUR-SULTAN. QazAqparat – Elimizdiń Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın ne sebepten Qazaqstan telefon kodyn +997 nómirine aýystyrǵanyn túsindirip berdi, dep habarlaıdy QazAqparat tilshisi.

«Bizde Reseımen 2006 jyly bekitilgen vedomstvoaralyq kelisim bar. Oǵan sáıkes, eki tarap 6 aı buryn eskerte otyryp kelisimniń kúshin joıa alady. ıAǵnı +7 dep bastalatyn uıaly baılanys kody eki jaqqa ortaq, Qazaqstan men Reseıge. Kelisim aıasynda Reseı bas tartsa, biz de odan bas tarta alamyz. Biz úshin bastysy - zań aıasynda júzege asqany», - dedi Baǵdat Mýsın Habar telearnasynda ótken «Natsıonalnyı ınteres» telebaǵdarlamasynyń efırinde.

Sondaı-aq, mınıstr elimizge +997 nómirli telefon kodyn BUU bergenin jáne ol kodtyń Qazaqstan úshin nelikten suralǵanyn túsindirdi.

«Bul telefon kodyn bizge halyqaralyq elektr baılanysy odaǵy berdi. ıAǵnı, Reseı Federatsııasy nemese AQSh bergen joq, halyqaralyq uıym berip otyr. Biz nelikten +997 kodyn suradyq? Eger biz +7 nómirli kodynan bas tartqan jaǵdaıda, máseleni sheshemin degenshe ýaqyt joǵaltar edik. Nómirdi aýystyrý úshin kem degende 3 jyl ýaqyt qajet. Biz ózimiz nıet bildirip ótinim berdik, nátıjesinde halyqaralyq kodqa ıe boldy», - deıdi ol.

Eske sala ketsek, bıyl qyrkúıekte mınıstr Qazaqstanda +997-den bastalatyn jańa telefon kody berilgeni habarlaǵan edi.