Baǵdat Mýsın Qazaqstandaǵy ınternet sapasyn sýdyń sapasyna teńedi
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Jibek Joly arnasyna bergen suhbatynda Qazaqstandaǵy ınternettiń sapasyn sýdyń sapasyna teńedi, dep habarlaıdy Kazinform.
«Mysaly, qazir Qaraǵandy qalasynda shaǵyn aýdandar bar. Sý aǵyzsań, sapasy nashar. Biraq turǵyndar sol sýǵa aqsha tólep jatyr ǵoı. Endi osyndaı zańsyzdyq bar», — dedi mınıstr.
Onyń málimetinshe, soǵan qaramastan sýmen jabdyqtaýshy uıymdar tarıfti kótergen.
«Soǵan qaramastan tarıfti kóterip jatyr. Jýyrda 1,5 ese kóterdi. Ondaı zańsyzdyq bar. Men kelisemin. Bylaı aıtaıyn. Bizdiń birinshi satydaǵy máselemiz — naryqty shynymen naryq etý. Qazir qarasańyz, «Qazaqtelekomnyń» ishinde eki operator ǵana bar. Tolyqqandy naryq qalyptasý úshin keminde bir-birinen táýelsiz úsh operator básekelesip jumys isteýi kerek. Sonda ǵana ádil tarıf, ádil sapa, ádil qyzmet kórsetý bolady. Sondyqtan biz Úkimettiń atynan «Samuryq-Qazynanyń» aldyna mindetteme qoıdyq. «Qazaqtelekomǵa» tıesili bir operatordy satý kerek. Bir ınvestor taba ma, shetelden bireý kele me, qazaqstandyqtardan bireý taba ma, ashyq aýktsıonǵa qoıa ma, ózi biledi. Kelesi jyldyń ortasyna deıin osyny oryndaý kerek», — dedi vedomstvo basshysy.
