Baǵdat Mýsın Qazaqstanda planshet óndirý mehanızmin túsindirdi

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın planshet óndirisin iske qosý mehanızmin túsindirdi, dep habarlaıdy QazAqparat tilshisi.

«Biz otandyq óndiriske suranys týdyrǵymyz keledi. Eger suranys bolmasa, onda bul planshetterdi uıymdastyrý da qajet bolmaıdy. Qazir Petropavlda Kırov atyndaǵy zaýytta jáne aqparattyq tehnologııalar parkinde noýtbýkter men kompıýterler qurastyrylady. Bul óndirister jolǵa qoıyldy, endi planshetterge suranys týǵyzýymyz kerek», - dedi Baǵdat Mýsın Úkimet kýlýarynda tilshilerge bergen suhbatynda.

Onyń aıtýynsha, satyp alý uıaly baılanys operatorlary arqyly júrgiziledi.

«Planshetter jeńil jáne oǵan bári úırenip qalǵan. Biz halyqaralyq tájirıbeni zerttedik, kóptegen elder planshetteýge kóship jatyr. Suranys týdyrý úshin biz bul zaýyttardy salýǵa aqsha bólmeımiz. Uıaly baılanys operatorlary arqyly satyp alynatynyn jarııaladyq», - dedi mınıstr.

Buǵan deıin Baǵdat Mýsın oqýshylardyń sómkesin jeńildetý úshin planshetti jalǵa berýdi usynǵan edi.

Mınıstrdiń aıtýynsha, mundaı ádis birqatar damyǵan elderde, onyń ishinde Ulybrıtanııa, Norvegııa, Ońtústik Koreıa jáne Túrkııanyń mektepterinde jaqsy nátıjege ákeldi.

Buǵan qosa, oqýshylar úshin shyǵarmashylyq pánder boıynsha óz kontentin jasaýǵa múmkindik beredi.