Baǵdat Mýsın Qazaqstan men Ázerbaıjandy Transkaspıı talshyqty-optıkalyq baılanys jelisiniń iske qosylýymen quttyqtady

Onyń aıtýynsha, eki eldiń memleket basshylary Qasym-Jomart Toqaev pen Ilham Álıev ázerbaıjandyq AzerTelecom kompanııasymen birlesip júzege asyrylǵan jobany iske qosty.

Joba aıasynda Kaspıı teńiziniń túbimen uzyndyǵy 380 shaqyrym bolatyn talshyqty-optıkalyq kabel tartylyp, eki el arasynda jańa halyqaralyq baılanys arnasy qosyldy.

-Qazaqstan úshin bul – Azııa men Eýropa arasyndaǵy mańyzdy tsıfrlyq torapqa aınalý jolyndaǵy taǵy bir qadam. Jańa baǵyt halyqaralyq derekter tranzıtin damytýǵa, elimizdegi Derekter ortalyqtary alqabyn (Data Center Valley) órkendetýge jáne iri tehnologııalyq kompanııalardy tartýǵa qosymsha múmkindikter ashady, – dep jazdy Baǵdat Mýsın Instagram paraqshasynda.

«Qazaqtelekom» basshysy jobany iske asyrýǵa atsalysqan mamandarǵa – ınjenerlerge, teńizshilerge, súńgýirlerge, kabel tóseýshilerge jáne birneshe aı boıy jańa ınfraqurylymdy qurýǵa eńbek sińirgen barsha qyzmetkerge erekshe alǵysyn bildirdi.

Aıta keteıik, osyǵan deıin Toqaev pen Álıev Transkaspıı talshyqty-optıkalyq baılanys jelisin iske qosqan bolatyn.