Baǵdat Mýsın Kaspi.kz-ke memlekettik qyzmetterdi engizý ıdeıasyn ózi usynǵanyn jarııalady

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Qazaqstanda qarjylyq qyzmetter kórsetetin (Kaspi.kz, Halyk platformalary) platformaǵa memlekettik qyzmetterdi qosý ıdeıasyn ózi usynǵanyn aıttyn. Mınıstrdiń aıtýynsha, keıingi jyldary nesıe alýshylardyń kúrt artýy atalǵan platformalardaǵy tsıfrlyq qujattarǵa baılanysty emes, dep habarlaıdy Kazinform. 

Jaqynda mınıstr Jibek Joly telearnasynyń «Ýáde» baǵdarlamasyna suhbat bergen edi. Baǵdarlama barysynda jýrnalıst jeke málimetterdi jekemenshik qarjylyq uıymdarǵa (Kaspi.kz, Halyk platformalary) berý qanshalyqty durys ekeni týraly suraq qoıdy.

Sebebi mobıldi qosymshanyń ishinde nesıeni de alýǵa jáne jeke adamdardyń tsıfrlyq qujattaryn da qaraýǵa bolady.

ıAǵnı júıedegi qyzmetter yqpaldastyrylǵan.

Óz kezeginde mınıstr atalǵan palatformalardaǵy memlekettik qyzmetterge ár adam ózi shekteý qoıa alatynyn aıtty.

«Kaspi.kz — platforma. Biraz adam ony bank dep synap jatady. Kaspi.kz bank emes, platforma… Máselen, eGov.kz qosymshasyna kirgen kezde „Kaspi.kz platformasyna tsıfrlyq qujattar týraly málimetterdi berýge ruqsat beresiz be?“ degen saýal bolady. Siz atalǵan platformada qujattar týraly derekterdiń bolýyna ózińiz ruqsat berseńiz, dál solaı osy ruqsatyńyzdy keri qaıtaryp alýǵa bolady. EGov.kz qosymshasynda ondaı múmkindik bar», — dedi B.Mýsın.

Vedomstvo basshysy eGov mobile-ge bul tártip 2020 jyly engizilgenin naqtylady.

Jýrnalıst kóp adamnyń atalǵan platformalarda tsıfrlyq qujattarynyń jarııalanýyna qalaı ruqsat bergeni esinde joq ekenin aıtty.

Onyń aıtýynsha, Kaspi.kz nemese Halyk platformalarynyń qosymshasyna qosylǵan kezde «memlekettik qyzmetter» degen batyrma bolady.

«Tıisti siltemeni basqan kezde, „eGov-qa osy málimetterdi Kaspi.kz-ke kirgizýge ruqsat beremin“ degen habarlama alasyz. Osy batyrmany baspasańyz, sizdiń qujattar memlekettik derekqordan basqa platformalarda ashylmaıdy», — dedi vedomstvo basshysy.

Ol Qazaqstandaǵy osy tájirıbeni halyqaralyq uıymdar zerttep, durys baǵyt ekenin rastaǵanyn málim etti.

«Shynyn aıtaıyn, ıdeıa meniki. Halyqaralyq deńgeıde biz osyny pash ettik. Qazir basqa da halyqaralyq uıymdar osyny zerttep, „bul - óte durys baǵyt“ dep bizge baǵa berip jatyr. Platformalarǵa shyǵarý — meniń jeke ıdeıam. Bul usynysty basqa organdarmen birge talqylap, júzege asyrdyq. Atap aıtqanda, bul tájirıbe halyqaralyq deńgeıde ońtaıly baǵalanyp, basqa da memleketter iske asyrýǵa bolatynyn túsindi. Reseı, Ózbekstan jáne basqa da elder osyny nusqaýlyq retinde alyp otyr», — dedi Baǵdat Mýsın.

Mınıstr mundaı tájirıbe AQSh-ta iske asyrylmaǵanyn, ıaǵnı ol memlekette baza derekter qory ortalyqtandyrylmaǵynyn jetkizdi.

«Óıtkeni ol jerde federatıvti qurylymnyń tártibi bar. Ár shtat bul máseleni ózi sheshedi. Qazir Kalıfornııada osyndaı sheshim qabyldanyp otyr. Olar Apple-ge berip jatyr. Olardyń plaftormalyq júıesi bizdegi sııaqty bank arqyly júrmeıdi, Apple, Facebook (Meta) sekildi platformalar arqyly iske asady», — deıdi ol.

Bul turǵyda telearna jýrnalısi Apple kompanııasy nesıe bermeıtinin jáne qarjylyq ınstıtýt sanatyna jatpaıtynyn atap ótti.

Degenmen Baǵdat Mýsın Kaspi.kz, Halyk platformalaryna jeke kýálik derekteriniń jarııalanýynan bul bankterdiń nesıe berý múmkindigi kúrt artty degen ýáj qısynsyz ekenin aıtty.

«2021 jylǵa deıin, ıaǵnı jeke kýálik derekteri bul platformalarǵa shyqqanǵa deıin nesıeni 5 mınýttyń ishinde alý múmkin boldy ma? Ondaı múmkindik boldy, sebebi sol kezde kredıtke úıime túrli tehnıka alǵan edim. Qazir Kaspi.kz, Halyk Bank jáne basqalary osy derekterdi alyp, sonyń arqasynda kredıt berip jatqanyna senbeımin. Nege? Nesıe alý úshin jeke kýáliktegi málimet qajet emes. Bankterge buǵan deıin neshe ret kredıt alǵanyńyz, jalaqy deregi, burynǵy nesıeler boıynsha tólemderdiń ýaqytyly jasalǵany týraly aqparat kerek. Al bul málimetter bizde emes, kredıttik bıýroda jınaqtalǵan. Sondyqtan platformadaǵy bizdiń aqparatymyz — jeke kýáliktiń bolýy nemese bolmaýy kredıt berýge áser etpeıdi», — dedi mınıstr.