Baǵdat Mýsın kásiporyndardyń ýly qaldyqtaryn onlaın tirkeý týraly oıyn aıtty
«Ekologııa taqyryby óte qyzyqty. Qaladaǵy barlyq ýly qaldyq bóletin kásiporyndar arnaıy qurylǵy ornatyp, shyqqan málimetti onlaın jarııalasa degen usynys aıtpaqpyn. Adamdar ony kabınetinde otyryp kórip otyrsyn. Qural jabdyq óte qymbat emes. Ony óz aqshasyna ornatamyz degender de bar. Opendata formaty jedeldikti qamtamasyz etedi. Qazir komıtettiń qyzmetkerleri óz datchıkterimen shyǵady. Biraq bul jedel emes. Ony jarııalaýǵa kóp ýaqyt ótedi. Mamandar da jetkiliksiz. JES-terge bir ret datchık ornatyp, keıin barlyq eldegi ekologııalyq kartınany baqylap otyrýǵa bolady», - dedi Bas prokýratýranyń quqyqtyq statıstıka jáne arnaıy esep komıtetiniń tóraǵasy Baǵdat Mýsın.
Forým moderatory Konstantın Gorojankınniń aıtýynsha, bul ıdeıa buryn da oılastyrylǵan. Alaıda kóptegen qıyndyqtarǵa baılanysty sátsiz boldy.
«Qazgıdromet» RMK bul aqparatty ózderi jarııalaıtyndyqtan, olardyń monopolııasy jáne bar», - dedi K.Gorojankın.
Óz kezeginde Baǵdat Mýsın atalǵan taqyrypta zań turǵysynan ózgerister kerek bolsa, ony Bas prokýrormen kezdesip talqylaýǵa daıyn ekendigin aıtty.
