Baǵdat Mýsın ınternet jyldamdyǵynyń baıaýlaý sebebin túsindirdi

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın ınternet jyldamdyǵynyń baıaýlaý sebebin túsindirdi, dep habarlaıdy QazAqparat tilshisi.

«Qazir ınternet bar, degenmen biz abonentter sany jyldan-jylǵa artyp kele jatqanyn baıqap otyrmyz. Negizinen aýyldyq aımaqtardan abonentter qosylady. Tutas osy abonenttik baza qoldanystaǵy telekommýnıkatsııalyq jelilerge aýyrlyq túsiredi. Mysaly, belgili bir kólemdegi qubyr arqyly múmkin emes mólsherde sý aǵyzýǵa tyrysýmen teń», - dep mysal keltirdi Baǵdat Mýsın Úkimettiń kýlýarynda.

Ol operatorlardyń tıisti jumys júrgizip jatqanyn aıtty.

«Sondyqtan qazir telekommýnıkatsııa operatorlary óz jelileri men ınfraqurylymyn keńeıtýdi josparlap otyr. Bul bir kúnde jasalmaıdy, áıtse de ár operator óz baǵytynda óz jelilerin nyǵaıtady jáne sapany jaqsartý úshin belgili bir modernızatsııa jasaıdy», – dedi Tsıfrlyq damý mınıstri.