Baǵdat Mýsın HQO qyzmetkerleriniń jalaqysyn kóterýdi tapsyrdy

NUR-SULTAN. QazAqparat – QR Tsıfrlyq damý, ınnovatsııa jáne aeroǵarysh ónerkásibi mınıstri Baǵdat Mýsın Halyqqa qyzmet kórsetý ortalyqtary qyzmetkerleriniń jalaqysyn kóterýdi tapsyrdy, dep habarlaıdy QazAqparat tilshisi.

«Kún saıyn maǵan azamattardan túrli taqyrypta júzdegen jeke habarlama keledi. Onyń ishinde usynystar men ıdeıalar, bazalardaǵy aqaýlar nemese ınternetke qatysty shaǵymdar, sondaı-aq bizdiń qyzmetkerlerdiń ótinimderi de bar. Bul rette «Azamattarǵa arnalǵan úkimet» jumysshylarynan jalaqyǵa qatysty biraz ótinishter kep tústi. HQKO qyzmetkerlerine artylǵan júkteme óte úlken. Bizdiń front-ofıster – memlekettiń beınesi, sebebi HQKO qyzmetkeri – memlekettik qyzmetterdi offlaın alýdyń jalǵyz kózi», - dep jazdy mınıstr Instagram-da.

Osy rette Baǵdat Mýsın ótken demalysta «Azamattarǵa arnalǵan úkimet» basshylyǵymen osy jaıtty talqylaǵanyn atap ótedi.

«Ádil Qojyqovqa barlyq aımaqtan jumysshylardy tarta otyryp, jalaqyny arttyrý boıynsha jospar qurýdy jáne jalpy eńbekaqy men syıaqy júıesin qaıta qaraýdy tapsyrdym. Eńbekaqynyń jańa júıesin oblystaǵy ujymdarmen birige otyryp jasaý mańyzdy! 5 jyldan beri jalaqysy túk ózgermegen qyzmetkerler kategorııasy da bar. Osy máseleni jyldam jóndeý qajet. Aldaǵy naýryzda jumysshylar men olardyń otbasylary oń ózgeristerdi sezinýi tıis», -dedi ol.