Baǵdat Mýsın elordalyqtardan ınternet sapasy úshin keshirim surady
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın elordadaǵy ınternet sapasy úshin qala turǵyndarynyn keshirim surady, dep habarlaıdy Kazinform.
«Naqty ár jaǵdaıdy jeke qarastyrý qajet. Degenmen, qazirgi ýaqytta 5G tehnologııasyn jappaı ornatý jáne soǵan kóshý júrip jatyr. Bazalyq stansalar ákelindi nemese ákelinip jatyr. Protsess júrýde», - dedi mınıstr «Digital Bridge 2023» halyqaralyq tehnologııalyq forýmy aıasyndaǵy brıfıngte.
Osy rette ol ınternettiń sapasyz bolǵany úshin elordalyqtardan keshirim surady.
«Atalǵan servısterdi ornatý jáne baptaý barysynda qıyndyqtar týyndaýy múmkin. Árıne, turǵyndardan keshirim suraımyz. Menińshe, bul ýaqytsha qubylys. Mobıldi baılanys operatorlary jyldyń sońyna deıin elordada jáne Almatyda jaǵdaıdyń túzeletindigine ýáde berip otyr», - dedi Baǵdat Mýsın.