Baǵdat Mýsın EGOV satylady degen qaýesetke qatysty túsinikteme berdi
«Halyq arasynda taralyp jatqan qaýesetke sensek, EGOV bireýge berileli jáne oǵan qyrýar qarajat quıylyp jatyr eken. EGOV-ty eshkimge bermeımiz, ol qazaqstandyq ónim. Kóp adam EGOV-ty bir tereze retinde ǵana túsinedi ıaǵnı memlekettik qyzmet alatyn alań, biraq onyń artyndaǵy júıeniń qalaı jumys istep turǵanyn eshkim bilmeıdi. Onyń artynda qazir 400 júıe jumys istep tur. Onyń 50 shaqtysy Densaýlyq mınıstrligine jáne 40 shaqtysy Qarjy mınıstrligine baǵynysty, solaı tıesili organdar boıynsha kete beredi – dedi Baǵdat Mýsın «Ashyq alań» telebaǵdarlamasynda.
Mınıstrdiń aıtýynsha, belgili bir memlekettik qyzmettiń júıesin aýystyrý úshin 1 aıdan 6 aıǵa deıin ýaqyt ketedi eken.
«Degenmen qazir zaman basqa, sáıkesinshe, talapta basqasha. Osy oraıda zamanaýı kompanııalar aılap emes bir nemese eki aptanyń ishinde júıeni jańaǵa aýystyrýǵa daıyn. Endigi bizdiń maqsat – osyǵan deıin aıtylǵan 400 júıeniń ornyna bir ǵana platforma qurý. Ol biz úshin jańa deńgeıge kóterilip, zamanaýı júıege ótý úshin qajet. Bul óz kezeginde memlekettik qyzmet kórsetýdiń proaktıvti túrge aýysýyna oń áserin tıgizedi»,- deıdi ol.
Aıta ketsek, búgin QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Qazaqstan ulttyq telearnasynda kórsetiletin «Ashyq alań» baǵdarlamasyna qatysty.