Baǵdat Mýsın e-kommertsııa ortalyqtarynyń qajettiligin túsindirdi
ASTANA. QazAqparat - Búginde 40 ınternet-dúkenmen yntymaqtastyq ornatqan «Qazpochta» AQ Astanada alǵashqy e-kommertsııa ortalyǵyn ashty.
«Qazpochta» AQ basqarma tóraǵasy Baǵdat Mýsın «Qazaqstanǵa osyndaı e-kommertsııa ortalyqtary ne úshin kerek?» degen suraqqa jaýap berdi, dep habarlaıdy QazAqparat.
«E-kommertsııa ortalyqtary ne úshin qajet? Qazir ınternet qarqyndy damyp jatyr. Internet arqyly saýda jasaıtyndar kóbeıdi, sol sııaqty, satyp alýshylar da kóbeıdi. Mine, ınternetpen saýda jasaıtyn satýshylar men satyp alýshylarǵa jeke qyzmet kórsetetin oryn bolǵan joq. Tek «Qazpochtada» emes, jalpy, respýblıka boıynsha ondaı ortalyq bolǵan emes. Esesine, ınternetpen saýda jasaıtyn adamdar buryn «Qazpochta» bólimshelerine kelip, zeınetaqy men járdemaqy alatyn, hat jiberetin, hat alatyn adamdarmen birge kezekke turatyn. Kezegi kelgen kezde, 15 sálemdemeni rettep, júıege engizgenshe, olardyń artynda zeınetaqy kezeginde turǵan adam taǵy kútip qalatyn. Sondyqtan, ınternetpen saýda jasaıtyndarǵa qyzmet kórsetetin ortalyq kerek degen paıymǵa keldik»,-deıdi B.Mýsın.
Onyń aıtýynsha, Astanada ashylǵan alǵashqy e-kommertsııa ortalyǵynda ınternetpen saýda jasaıtyn adam nebári 5-10 mınýt úshin óz sálemdemesin rásimdeı alady.
Búgin Qazaqstandaǵy alǵashqy e-kommertsııa ortalyǵy Astanada ashylǵany týraly habarlaǵan bolatynbyz. «Qazpochta» 2017 jyldyń ortasyna deıin Almaty men 16 oblys ortalyǵynda osyndaı ortalyqtardy ashýdy kózdep otyr.
