Baǵdat Mýsın densaýlyq salasyna engizilmek bolǵan atyshýly platformaǵa qatysty túsinik berdi

ASTANA. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Astanada ótip jatqan Strategııalyq bastamalar forýmynda Ericsson Nikola Tesla kompanııasynyń densaýlyq saqtaý salasyna engizilmek bolǵan atyshýly platformasyna qatysty túsinik berdi, dep habarlaıdy QazAqparat tilshisi.

«Ericsson Nikola Tesla usynǵan plaftormanyń aqparattyq júıelermen naqty ıntegratsııasy bolǵan joq. Biz ony kishkene basqasha qarap, basqa tásilderin qarap, tiımdiligi tezirek bolatyn qylyp oılastyryp jatyrmyz», - dedi mınıstr.

Baǵdat Mýsın BAQ ókilderine bergen jaýabynda qazir ol platformanyń qandaı kúıde ekenin aıpady.

«Qazir onyń neshe paıyz ıntegratsııalanǵanyn aıta almaımyn. Qazir ol jumys istep tur ma, joq pa, ony da aıta almaımyn. Biz onyń elementterin qoldanamyz», - dedi vedomstvo basshysy.