Baǵdat Mýsın: Bizge tsıfrlyq bilim berýdi jolǵa qoıa alatyn kásipkerler shoǵyryn qalyptastyrý kerek
NUR-SULTAN. QazAqparat – Qazaqstan Prezıdentiniń keńesshisi Baǵdat Mýsın Qazaqstanda aldaǵy ýaqytta tsıfrlyq bilim berý júıesin damytýǵa qatysty óziniń paıym-pikirimen bólisti, dep habarlaıdy QazAqparat tilshisi.
«Strategııalyq turǵyda qaraıtyn bolsaq, kásipkerlermen seriktestik – eń durys jol. Qazir keıbir tsıfrlyq bilim berý resýrstary aıtarlyqtaı deńgeıde qurylymdalǵanyn kórip otyrmyz. Al keıbir resýrs tek vıdeosabaqtardy túsirip jatyr. Meniń oıymsha vıdeosabaq – sabaqty túsindirýdiń eń jaman formaty. Álbette ýaqyt bolǵanda qamdanyp alar edik. Bizge vıdeosabaqty ázirleýdiń keregi joq, sózsiz. Bizge túbirimen oqý baǵdarlamasynyń ózin qaıta qarap, tsıfrlyq resýrstar bilim berý protsesin qanshalyqty jeńildetetinin túsinip alǵan abzal. Bárimiz nege Zoom-ǵa lap qoıdyq. Óıtkeni muǵalim onyń kómegimen buryn qalaı sabaq berip júrdi, solaı jalǵasar dedik. Sebebi menińshe, endigi muǵalimder sabaq bermeıdi, olar aldaǵy ýaqytta kontent daıyndaıdy», - dedi ol qashyqtan oqytý tehnologııalaryn qoldanýdyń problemalary talqylanǵan onlaın rejımdegi kezdesýde.
Prezıdent keńesshisiniń aıtýynsha, Netflix-te qazirgi tańda kórermen kıno túgili, stsenarııdi ózi tańdaı alatyndaı jaǵdaı jasalǵan. Kınonyń basty keıipkeri sońynda óle me, joq pa – atalmysh ınternet alańy osyndaı tańdaý quqyǵyn daıyndap ta qoıǵan.
«Tsıfrlyq kontentte de solaı. Máselen tsıfrlyq bilim berý kezinde Ekinshi dúnıejúzilik soǵys qashan bastaldy dep muǵalim suraq qoıǵanda oqýshy «1939, 1940, 1941, 1942, 1943» degen birneshe nusqanyń ishinde durysyn tańdap alýy tıis. Oqýshy jaýapty belgilengennen keıin muǵalimniń kontenti onyń jaýabyn taldap, nelikten durys nemese qate ekenin túsindirýi kerek. ıAǵnı bul ádistiń ózi - jańasha oılaý. Biz tsıfrlyq formatta qazir qozǵaýshy adamdardy daıyndaı bilýimiz kerek. Qazir bizge oqýlyq jazyp júrgen adamdar ol sanatqa jatpaıdy. Bir kezde «Atamura», «Almaty-kitap» sekildi baspalardy ashqandaı qazir tsıfrlyq bilim berý resýrstaryn jolǵa qoıa alatyn jeke kásipkerlerdiń shoǵyryn qalyptastyrýymyz kerek», - dedi ol.
Baǵdat Mýsınniń aıtýynsha qazirgi vıdeosabaqpen tálim berip, keıin test alý júıesi qazir jaramdy bolyp turǵanymen, keıin ýaqyt talabyna múlde jaýap bere almaı qalady.
