Baǵdat Mýsın baılanys operatorlarynyń múddesin qorǵaı ma

ASTANA. QazAqparat –Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın baılanys operatorlarynyń múddesin qorǵaýǵa qatysty pikir bildirdi, dep habarlaıdy QazAqparat tilshisi.

«Eger men uıaly baılanys operatorlarynyń múddesin qorǵasam, onda biz memleket atynan 153 mlrd teńge tapqan radıojıilikterdi aýktsıonǵa shyǵarmas edik. Olar qarajat mınıstrlikke emes, bıýdjetke ketti. Bizdiń mınıstrlik qashan da ádil básekelestik pen ádil baǵany qoldaıdy. Ádil básekelestik salany monopolııadan aryltý úshin qajet. Men monopolııasyzdandyrý jónindegi komıssııada «Qazaqtelekom» qurylymynan uıaly baılanys operatorlarynyń birin jeke naryqqa jáne bólek basqarýǵa shyǵarý týraly usynys jasaǵan alǵashqy mınıstrlerdiń birimin», - dedi Baǵdat Mýsın Úkimet úıinde ótken brıfıngte.

Sondaı-aq, mınıstr naryqta ádil básekelestik bolyp, sáıkesinshe sapanyń artýyn qoldaıtynyn aıtty.

«Sonda ár operatormen jıi jınalys ótkizýdiń qajeti joq. Qazir álemde bazalyq stantsııalardy operatorlar ornatýy kerek. Bul prezıdent nemese mınıstr aıtqandyqtan emes, olar klıent úshin kúresý kerek. Baılanys standarty qoldanýshylardyń talabyn qanaǵattandyrýy tıis», - deıdi ol.

Aıta keteıik, mınıstr osyǵan deıin Qazaqstanda YouTube Premium qashan qoljetimdi bolatynyn aıtqan edi.