Baǵdat Mýsın Bas prokýrordyń bastamasyna syn aıtqandarǵa jaýap berdi

ASTANA. QazAqparat - QR Bas prokýratýrasy Quqyqtyq statıstıka jáne arnaýly esepke alý komıtetiniń tóraǵasy  Baǵdat Mýsın vedomstvonyń jańadan taǵaıyndalǵan prokýrorlardan atqarǵan jumystarynyń beıne esebin talap etý bastamasyna syn aıtqandarǵa jaýap berdi, dep habarlaıdy QazAqparat.

«Beıne esep berý bul ózin-ózi jarnamalaý degen pikir bar. degenmen, men bul bastamanyń Ult josparynyń 5 reformasyn oryndaý aıasynda júzege asyrylyp jatqandyǵyn atap ótkim keledi. Al ol bylaı atalady,  esep beretin memleket qurý. Tek bireýler bul jospardy joǵarydan túsirilgen qadamdyq nusqaýlyq aıasynda barynsha kreatıvti qarastyrýda. Beıne esepter jarty jyldyń qorytyndysy boıynsha oblys prokýrorlary men olardyń orynbasarlarynan, aýdandar men qalalardyń prokýrorlarynan da talap etiledi», - dep jazdy Baǵdat Mýsın óziniń Feısbýktegi paraqshasynda.

Buǵan deıin QR Bas prokýrory Jaqyp Asanov jańadan taǵaıyndalatyn prokýrorlardan ýaqytsha prokýror mindetin atqarýshy bolǵan kezdegi jumystary boıynsha beıne esep talap etetindigin habarlaǵan bolatynbyz.