Baǵdat Qojahmetov koronavırýsqa qatysty sońǵy 2 apta derekterin salystyrmaly túrde usyndy
NUR-SULTAN. QazAqparat - Sońǵy aptada elimizde koronavırýs indetin juqtyrý derekteri azaıyp kele jatyr. Bul týraly QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.
«Sońǵy 2 aptadaǵy jaǵdaıdy salystyrmaly túrde jetkizsem, tamyzdyń 3-9-y aralyǵynda koronavırýsty 7 108 adam juqtyrǵan. 222 adam qaıtys boldy. PTR-test teris nátıje kórsetken 7 940 jaǵdaı tirkelgen. 122 adam kóz jumdy», - dedi ol Ortalyq kommýnıkatsııalar qyzmetindegi brıfıng barysynda.
Resmı ókildiń aıtýynsha, tamyzdyń 10-16-sy aralyǵynda jaǵdaı birshama ózgerdi.
«ıAǵnı, sońǵy aptada COVID-19 vırýsyn 3 995 adam juqtyrdy. 151 adam qaıtys boldy. PTR-test teris nátıje kórsetken 5 344 jaǵdaı tirkeldi. 64 adam qaıtys boldy. Osy atalǵan kestege qarap, elimizde indet juqtyrý jaǵdaıy azaıyp kele jatqanyn baıqaýǵa bolady», - dedi Baǵdat Qojahmetov.
Al endi koronavırýsqa uqsas, biraq PTR-test teris nátıje kórsetken jaǵdaılar boıynsha jalpy málimet mynadaı. Qazirgi sátte 18 606 naýqas tirkeldi. 218 adam qaıtys boldy. Sońǵy bir táýlikte 141 adamnyń aýyrǵany anyqtaldy.
