Baǵdat Qojahmetov koronavırýsqa qarsy vaktsınany alý tártibin túsindirdi

NUR-SULTAN. QazAqparat –QR Densaýlyq saqtaý mınıstrliginiń resmı ókili Baǵdat Qojahmetov koronavırýsqa qarsy vaktsınany alý tártibin túsindirdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda ol COVID-19 indetine qarsy vaktsınany alý týraly qandaı da bir naqty sheshim jasalmaǵanyn aıtty.

«Osy vaktsınalardy daıarlaýmen aınalysyp jatqan eń aldyńǵy qatarly zerthanalar úshinshi kezeńge jetti, ıaǵnı klınıkalyq synaq fazasynda tur. Olar tórtinshi kezeńdi ótkizýi kerek. Osydan keıin barlyq halyqaralyq sertıfıkattardan ótkennen soń, tıisti elderdi bul vaktsına jappaı óndirýge shyǵarylady», - dedi resmı ókil.

«Al buǵan deıin Qazaqstan memorandýmdar nemese kelisimderdi bekitýge tyrysady. Bul turǵyda ózge elderge qaraǵanda osy vaktsınamen halyqty birinshi bolyp qamtamasyz etý qadamdary jasalady», - dedi B. Qojahmetov.