Baǵdat Qojahmetov Kavasakı sındromyna qatysty ahýaldy aıtty

NUR-SULTAN. QazAqparat - Karantın talabyn buzǵan 123 zańdy tulǵa 62,6 mln teńge aıyppul tóledi. Bul aqparatty QR Densaýlyq saqtaý mınıstrliginiń resmı ókili Baǵdat Qojahmetov rastady, dep habarlaıdy QazAqparat tilshisi.

«Ótken aptada Qazaqstanda Kavasakı sındromymen aýyrǵan 3 balanyń tirkelgenin aıtqan bolatynmyn. Qazirgi ýaqytta Kavasakı sındromymen jáne soǵan uqsas sındrommen 11 bala tirkeldi. Biraq, aıta keterligi, klınıkalyq belgileri boıynsha bul indet Kavasakı sındromyna uqsas. 5 jasqa tolmaǵan balalarda óte sırek kezdesedi. Qazaqstan boıynsha tirkelgen 11 balanyń úsheýi Nur-Sultan qalasynda aman-esen emdelip shyqty», - dedi ol Ortalyq kommýnıkatsııalar qyzmetindegi brıfıng barysynda.

Onyń aıtýynsha, qalǵan balalar Aqtóbe, Qaraǵandy, Almaty qalalarynda turady. Balalardyń ekeýi 1 men 5 jas aralyǵynda bolsa, qalǵan 9 bala 5-ten 17 jastyń aralyǵynda.

«ıAǵnı, 9 bala Kavasakı sındromyna naqty kelmeıdi. Olar soǵan uqsas aýrý dep eseptelinedi», - dedi Baǵdat Qojahmetov.