Baǵdat Qojahmetov aýyldarda dári tapshylyǵy bolmaıtynyna sóz berdi

NUR-SULTAN. QazAqparat – QR Densaýlyq saqtaý mınıstrliginiń resmı ókili Baǵdat Qojahmetov aýyl-aımaqtardy dári-dármekpen qamtý máselesine pikir bildirdi, dep habarlaıdy QazAqparat.

«Qazaqstan halqynyń jartysyna jýyǵy aýyldyq jerde ómir súredi. Aýylǵa biz óte bıik dárejede nazar aýdaramyz. Jańa tolqynǵa (koronavırýs indetiniń - red.) jalpy somasy 8,2 mlrd teńgege dári-dármek satyp alyndy. Halyq arasynda suranysqa ıe 44 túrli dári-dármek daıyndaldy. Respýblıkaǵa shaqtalǵan dári-dármek qorynan aýyldaǵy aǵaıyn da qaǵylmaıdy dep sóz bere alamyn. Jetispeýshilik baıqalsa, mindetti túrde mınıstrlikke sol aqparatty jetkizińizder. Aýyldyq jerlerdegi alǵashqy medıtsınalyq kómek kórsetetin mekemeler jaǵdaıy tekserilip jatyr. Sondyqtan, aýyldarda dári-dármek tapshylyǵy bolmaıdy dep senemin», - dep jaýap berdi resmı ókil Ortalyq kommýnıkatsııalar qyzmetinde tilshi suraǵyna.

Aıta keteıik, 11 qyrkúıektegi málimet boıynsha elimizde COVID-19-ǵa shaldyqqandardyń jalpy sany 106 661-ge jetti. Onyń ishinde jazylyp shyǵý kórsetkishi 94,1 paıyzdy qurady nemese 100 409 adamǵa jetti.

Sońǵy bir táýlikte Shymkent qalasynda koronavırýs ınfektsııasynyń birde-bir oqıǵasy tirkelgen joq.

Qazaqstanda koronavırýstyń jańa tolqynyna daıyndyq qyzý júrip jatyr.

Sondaı-aq B.Qojahmetov demalys kúndergi karantındik shekteýler qandaı jaǵdaıda alynatynyn, koronavırýsqa PTR-testini tegin qalaı tapsyrýǵa bolatynyn aıtty.