Baǵdat Qojahmetov: 7 qazandaǵy jaǵdaı boıynsha 74 baladan koronavırýs anyqtaldy

NUR-SULTAN. QazAqparat – Bıyl 2 sáýirden 7 qazan aralyǵynda elimizde 2 551 baladan koronavırýs ınfektsııasy anyqtaldy. Bul týraly Ortalyq kommýnıkatsııalar ortalyǵynda ótken QR qazirgi epıdemıologııalyq jaǵdaı jáne qabyldanyp jatqan karantındik sharalar týraly onlaın brıfıngte QR Densaýlyq saqtaý mınıstrliginiń resmı ókili Baǵdat Qojahmetov aıtty, dep habarlaıdy QazAqparat tilshisi.

«Bıyl 2 sáýirden 7 qazan aralyǵynda elimizde 2 551 baladan koronavırýs ınfektsııasy anyqtaldy. 5 qazandaǵy jaǵdaı boıynsha elimizde 138 oqýshydan koronavırýs ınfektsııasy anyqtaldy, onyń ishinde 52 oqýshy kezekshi synypta aýrý juqtyrsa, 86 oqýshy qashyqtan oqý barysynda juqtyrǵan. Taǵy bir jaǵdaı mektep-ınternatta anyqtaldy. Onymen baılanysta bolǵandar anyqtaldy, olar 14 kúndik karantınde bolady», - deıdi QR Densaýlyq saqtaý mınıstrliginiń resmı ókili Baǵdat Qojahmetov.

Onyń aıtýynsha, 7 qazandaǵy jaǵdaı boıynsha 74 baladan koronavırýs anyqtaldy. Olar 1 aılyq jáne 18 jas aralyǵyndaǵy balalar.

«Koronavırýspen aýyrǵan balalar kóbinese ShQO-da, SQO-da jáne Pavlodar oblysynda tirkeldi. 9 bala aýrýhanaǵa jatqyzyldy. Jalpy alǵanda 32 balada aýrý sımptomsyz ótip jatyr. 31 balada aýrý óte jeńil túrde ótýde. 8 balada ortasha aýyr deńgeıde ótip jatyr. 1 balada bakterııa sıpatty pnevmonııa anyqtaldy. Barlyǵy 46 oqýshy baqylaýda. 3 bala balabaqshanyń kezekshi toptarynda bolǵan», - deıdi ol.