Baǵdat aýrýhanasyndaǵy órt saldarynan qaza tapqandar sany 82 adamǵa jetti
NUR-SULTAN. QazAqparat – Baǵdat aýrýhanasyndaǵy órt saldarynan qaza tapqandardyń sany keminde 82 adamǵa jetti, taǵy 110 adam zardap shekken. Bul jaıynda Baghdad Al Youm jańalyqtar portaly Irak ІІM resmı ókili, general maıor Haled ál-Mıhnaǵa siltememen málim etti, dep habarlaıdy QazAqparat tilshisi.
«Ibn ál-Hatyb aýrýhanasyndaǵy órt 82 adamnń ómirin jalmady, 110 adam, onyń ishinde patsıentter de, peronaldar zardap shekti. Zardap shekenderdiń arasynda jaǵdaıy óte aýyr adamdar da bar», - delingen resmı ókildiń málimdemesinde.
Buǵan deıin senbiniń keshinde Baǵdat qalasyndaǵy koronavırýsqa shaldyqqan naýqastarǵa arnalǵan aýrýhanadan órt shyǵyp, saldarynan 45 adamnyń qaza tapqany habarlanǵan bolatyn.
Baǵdattyń ońtústik-shyǵysyndaǵy Ibn-ál-Hatyb aýrýhanasyndaǵy órttiń shyǵýyna onyń ekinshi qabatynda ornalasqan jansaqtaý bólimindegi ottegi ballondarynyń jarylýy sebep bolǵan. Ekiqabatty ǵımarat tolyq órtenip ketken. Órtti sóndirýge 30-ǵa jýyq jasaq jumyldyrylǵan. Kýágerlerdiń aıtýynsha, órt bastalǵanda, dúrlikken adamdar ǵımarattan shyǵatyn jer izdegen. Azamattyq qorǵanys jáne tótenshe jaǵdaılar qyzmetiniń sońǵy málimetteri boıynsha, sol kezde aýrýhanada shamamen 200 adam bolǵan.
Irak eliniń Premer-Mınıstri Mustafa ál-Kazymı oqıǵany jan-jaqty tergeýdi buıyrdy, búkil elde úshkúndik az tutý jarııalanǵan. Aýrýhananyń bas dárigeri, qaýipsizdik qyzmetiniń bastyǵy jáne gospıtaldiń tehnıkalyq qaýipsizdigine jaýapty tulǵanyń ustalǵany belgili boldy.
