Baǵdat Ámireev IYU Bas hatshysynyń orynbasary bolyp saılandy
ASTANA. KAZINFORM — Búgin Qazaqstan Respýblıkasy Syrtqy ister mınıstriniń orynbasary Arman Isaǵalıev Islam yntymaqtastyǵy uıymy Syrtqy ister mınıstrleri keńesiniń (IYU SІMK) 52-shi sessııasynyń jumysyna qatysty. Bul týraly SІM málim etti.
Otyrys barysynda IYU-ǵa múshe memleketter delegatsııalarynyń basshylary halyqaralyq jáne óńirlik kún tártibindegi ózekti máselelerdi talqylap, ıslam álemindegi ahýalǵa, áskerı-saıası jáne gýmanıtarlyq daǵdarystardy, onyń ishinde Palestına-Izraıl qaqtyǵysyn retteý máselelerine erekshe nazar aýdardy. Qatysýshylar Taıaý Shyǵystaǵy shıelenisti báseńdetýge, beıbitshilik pen óńirlik turaqtylyqty qamtamasyz etýge baǵyttalǵan dıplomatııalyq kúsh-jigerdi jandandyrýdyń mańyzdylyǵyn atap ótti.
Óz sózinde, A.Isaǵalıev Qazaqstannyń halyqaralyq jáne óńirlik qaqtyǵystardy halyqaralyq quqyq qaǵıdattary men BUU Jarǵysy negizinde tek saıası-dıplomatııalyq jolmen beıbit retteýge beıildiligin rastady. Sonymen qatar, kópjaqty dıalogty nyǵaıtý jáne beıbitshilikti, qaýipsizdik pen ornyqty damýdy qamtamasyz etý maqsatynda IYU-ǵa múshe memleketterdiń kúsh-jigerin biriktirý qajettigin nazar aýdardy.
— Qazaqstannyń Uıym qyzmetine qatysýy turǵysynan ıadrolyq qarýdy taratpaý, azyq-túlik qaýipsizdigin nyǵaıtý, kólik-logıstıkalyq baılanystardy damytý, jasandy ıntellekt, tsıfrlandyrý jáne ozyq tehnologııalar salalaryndaǵy yntymaqtastyqty keńeıtý, sondaı-aq burynǵy Semeı ıadrolyq synaq polıgonynyń aýmaǵyn ońaltýdy qosa alǵanda, ekologııalyq bastamalardy ilgeriletý máselelerine erekshe mán berildi, — delingen habarlamada.
Atalǵan sessııanyń Qazaqstan úshin mańyzdy nátıjesi Elshi Baǵdat Ámireevtiń Islam yntymaqtastyq uıymy Bas hatshysynyń ákimshilik jáne qarjy máseleler jónindegi orynbasary laýazymyna saılanýy boldy. Bul sheshim IYU-ǵa múshe memleketterdiń Qazaqstanǵa degen joǵary seniminiń jáne onyń Uıym sheńberindegi kópjaqty yntymaqtastyqty damytýǵa qosqan úlesin moıyndaýynyń dáleli bolyp tabylady.
IYU Syrtqy ister mınıstrleri keńesiniń 52-shi sessııasynyń qorytyndysy boıynsha saıası, ekonomıkalyq, quqyqtyq jáne mádenı-gýmanıtarlyq salalardy qamtıtyn qararlar toptamasy qabyldandy. Qazaqstannyń barlyq bastamalary tıisti qorytyndy qujattarda kórinis taýyp, IYU SІMK qararlarynda bekitildi.
Aıta keteıik, Islam yntymaqtastyǵy uıymynyń jańa bas hatshysy tamyz aıynda taǵaıyndalǵan bolatyn.
