Baǵdarshamǵa - 100 jyl
ASTANA. QazAqparat - 1914 jyldyń 5 tamyzy kúni Klıvlendte amerıkalyq baǵdarsham kompanııasy birinshi ret Evklıd avenıýi men 105-kósheniń qıylysynda alǵashqy tórt elektr baǵdarshamyn ornatty. Olardyń qyzyl jáne jasyl belgileri boldy, tústeri aýysqanda olar dybystyq belgi berdi. Júıeni joldyń qıylysyndaǵy shyny kúrkede otyrǵan polıtseıler basqardy. Baǵdarshamdar jol júrý erejelerin kórsetip turdy: ońǵa burylý kedergi bolmaǵan jaǵdaıda kez kelgen ýaqytta júzege asyryldy, al solǵa burylý - jasyl janǵanda jol qıylysynyń orta tusynan júzege asyryldy.
Sary tús qosylǵan alǵashqy úsh tústi baǵdarshamdar 1920 jyly Detroıt pen Nıý-Iorkte ornatyldy.
KSRO-da alǵashqy baǵdarsham 1930 jyldyń 15 qańtarynda Lenıngradta Nevskıı men Lıteınyı dańǵyldarynyń qıylysynda ornatyldy.
ІІM Ákimshilik polıtsııa komıtetiniń baspasóz hatshysy Irına Lýkıanına atap ótkendeı, Qazaq SSR tarıhynda Almatyda 1938 jyly Krasnoarmeıskıı men Gogol kósheleriniń qıylysynda qoıyldy. Sol kezde qalada shamamen 8 myń kólik bolǵan.
Qazir Qazaqstannyń kóshe-qozǵalys jelisinde 2323 baǵdarsham paıdalanylady, olardyń 80 paıyzdan astamy jaryq dıodty baǵdarshamdar.
