Baǵdarlamalaý negizderi páni 1-synyptan bastap engiziledi - Asqar Jumaǵalıev

NUR-SULTAN. QazAqparat - Bıyl baǵdarlamalaý negizderi páni 1-synyptan bastap engiziledi. Bul týraly búgin Úkimet otyrysynda «Tsıfrlyq Qazaqstan» memlekettik baǵdarlamasynyń júzege asyrylý barysy jaıynda baıandaǵan QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.

«Tsıfrlyq Qazaqstannyń» birinshi baǵyty - adamı kapıtaldy damytý boıynsha belsendi jumystar atqarylýda. Elimizdiń barlyq mektepteri kompıýtermen jabdyqtaldy. Mektepterdiń 93 paıyzy Internet jelisine qosylǵan. Joǵary bilim berýde 2019-2020 oqý jylyna tsıfrlandyrý baǵyty boıynsha 19 myńǵa jýyq grant bólindi. Bilim sapasyn arttyrý úshin 2019 jyly Astana hab bazasynda «Álem» baǵdarlamalaý mektebi jáne Nur-Sultan qalasynda Astana IT ýnıversıteti ashyldy. Ol jerde jańa býyn mamandary daıyndalady», - dedi ol.

Mınıstrdiń dereginshe, halyqtyń tsıfrlyq saýatyn ashý kýrstary turaqty ótkizilýde. Nátıjesinde halyqtyń tsıfrlyq saýatynyń deńgeıi 79 paıyzdan asyp otyr.

«Biz 2020 jyly da osy jumystardy jalǵastyramyz. Baǵdarlamalaý negizderi pánin 1-synyptan bastap engizemiz. Almaty qalasynda ekinshi «Álem» jáne AHQO bazasynda QWASAR baǵdarlamalaý mektepterin ashamyz. Tsıfrlyq saýatty 80 paıyzǵa jetkizemiz»,- dedi Asqar Jumaǵalıev.