Baǵdadtaǵy jarylystarda 15 adam mert boldy
ASTANA. QazAqparat - Irak ókimet oryndary Baǵdadtyń shıitter turatyn oramynda jáne qalanyń mańynda 15 adam qaza tapqanyn habarlady.
Polıtsııanyń málimdeýinshe, jeksenbi kúni túnde qalanyń shyǵys shetindegi ál-Obeıdı shıit oramynda dámhana janynda bomba jarylyp, tórt adam kóz jumǵan jáne 14-i jaraqattanǵan.
Baǵdadtyń ońtústik-shyǵysyndaǵy Djısr Dııalada kishkentaı meıramhananyń qasynda taǵy bir bomba jarylǵan. Onyń saldarynan tórt adam ólip, 11-i jaraqattandy.
Avtobýs aıaldamasynda iske qosylǵan taǵy bir bomba budan buryn tórt adamǵa ajal qushtyryp, toǵyzyn jaraqattaǵan bolatyn. Baǵdadtyń soltústik-shyǵys aýdanyndaǵy Shýllada avtobýs aıaldamasynda taǵy bir bombanyń jarylýynan tórt adam qurban boldy.
Iraktyń memlekettik gospıtaldary ólgender sanyn qýattady.
