Baǵdadtaǵy jarylysqa «Ál-Kaıedanyń» qatysy bar degen kúdik aıtylýda
ASTANA. Jeltoqsannyń 9-y. QazAqparat - Irak ókimeti Baǵdadta keshe bolǵan jáne 120-dan astam adamnyń ómirin qıǵan lańkestik áreketterge «Ál-Kaıeda» sodyrlarynyń qatysy bar dep kúdik keltirýde.
Bul týraly «Azattyq» radıosy habarlaıdy.
Resmı málimet boıynsha, jarylystardyń saldarynan 500-den astam adam jaraqat alǵan. Seısenbi kúni birneshe memlekettik mekemeniń janynda jarylys bolǵanyn QazAqparat budan buryn habarlaǵan bolatyn. Bul tamyz aıynan bergi eń úlken lańkestik áreket.
BUU men AQSh Irakta aldaǵy parlamenttik saılaý ótetin kún jarııalanysymen oryn alǵan lańkestik áreketterdi úzildi-kesildi aıyptap otyr. Irakta dýays berý kelesi jylǵy naýryzdyń 7-sine belgilendi.
