Baǵdadtaǵy lańkestik áreketterdiń qurbandarynyń sany 127 adamǵa jetti
ASTANA. Jeltoqsannyń 9-y. QazAqparat - Seısenbi kúni Baǵdadta jasalǵan lańkestik áreketterdiń qurbandarynyń sany 127 adamǵa jetti. 450-ge jýyq adam túrli deńgeıde jaraqat aldy,
dep habarlaıdy ITAR-TASS agenttigi Irak arnaıy qyzmetiniń ókiline silteme jasap.
Irak elordasy men onyń tóńiregindegi eldi mekenderde búgin aralaryna az ýaqyt salyp bes avtokólik jaryldy. Shabýyldardyń nysandary ishki ister mınıstrliginiń, qarjy mınıstrliginiń, sottyń, óner fakýltetiniń nysandary jáne Bab ash-Shýrja oramyndaǵy negizinen shıǵalar turatyn úlken bazar boldy. Qala mańyndaǵy Ed-Dora aýdanynda Tehnologııalyq ýnıversıtettiń janyndaǵy polıtsııa blok-beketinde taǵy bir kóliktiń kúli kókke ushty.
