Baǵdadtaǵy lańkestik áreketterdiń qurbandary 39 adamǵa jetti
ASTANA. Qańtardyń 26-sy. QazAqparat - Baǵdadta jasalǵan lańkestik áreketter 39 adamǵa jetti, taǵy 1000-ǵa jýyq adam jaralandy. Bul týraly medıtsınalyq derek kózderge silteme jasap habarlanýda.
Mına qoıylǵan eki avtokólikti jankeshtiler Baǵdadtyń ortalyq aýdanyndaǵy "Palestına-Merıdıan", "Vavılon" jáne "Sheraton- Ishtar" qonaqúıleri ornalasqan aýdanda aralaryna birneshe mınýttan salyp jarǵan bolatyn. Sońǵy jarylystyń tolqyny otelderdi qorǵaý úshin turǵyzylǵan beton dýaldardyń ózin jermen-jekmen etken. Birneshe mınýttan keıin taǵy bir kólik El-Karrada oramyndaǵy «Hamra» qonaqúıiniń janynda jaryldy. Mıkroavtobýsqa mingen jankeshti qonaqúıge kireberistegi polıtsııa blok-beketin soǵardyń aldynda, birneshe sodyr ondaǵy tártip saqshylaryna qarsy avtomattan oq jaýdyrǵan, sodan keıin izderin jasyrǵan. Jarylys úlken zardap ákelip otyr. Qonaqúılermen qosa, jaqyn mańdaǵy nysandar men turǵyn úıler jartylaı zardap shegip otyr. Qaza tapqandardyń ishinde áıelder men balalar kóp, dep habarlaıdy ITAR-TASS agenttigi.
