Baǵdadtaǵy lańkestik áreket saldarynan 74 adam kóz jumdy
ÁBÝ-DABI. QazAqparat - «Islam memleketi» beısenbi kúni tańerteń Baǵdadta 74 adamnyń ómirin qıyp áketken kúshti jarylys úshin jaýapkershilikti óz moıynyna aldy.
Kezekti lańkestik áreket Irak astanasyndaǵy Sadr aýdanynyń iri bazarynyń aýmaǵynda bolǵan. IM ókilderi óz málimdemesinde shabýyldyń maqsaty úkimettik áskerdiń áskerı bólimderi bolǵanyn atap ótti.
Al Baǵdadtyń resmı ókilderi baspasózde qaza tapqan 54 adam týraly habarlap otyr. Polıtsııada Djamıl aýdanyndaǵy júk kóligi jarylǵany, sondaı-aq 86 adamnyń jaraqat alǵany týraly qosyp ótti.
Beısenbide Irak astanasynyń bazarlary ádettegideı adamdarǵa toly boldy. Jarylystan keıin Sadr sheıitter qaýymynyń kóptegen turǵyndary zardap shekkenderge kómektesý úshin oqıǵa ornyna asyqqan. Jaraqattanǵandar jergilikti emhanalarǵa jetkizildi.
