Baǵdadtaǵy eki lańkestik oqıǵa saldarynan qaza tapqandar sany 250 adamǵa jetti
ASTANA. QazAqparat - Sońǵy málimet boıynsha, Baǵdadtaǵy eki lańkestik oqıǵa saldarynan qaza tapqandar sany 250 adamǵa jetti. Bul týraly Reuters Iraktyń Densaýlyq mınıstrligine silteme jasap habarlady.
Lańkestik oqıǵa 2 shildeden 3-ne qaraǵan túni oryn alǵan bolatyn. Baǵdadtyń sheıitter turatyn saýda-sattyq aýdanynda mınalanǵan kólik jaryldy. Dál osy ýaqytta sheıitter turatyn basqa aýdanda da jarylys bolǵan. Oqıǵaǵa jaýapkeshilikti «Islam memleketi» lańkestik uıymy alyp otyr.
Osyǵan deıin 20 adam qaza tapty dep habarlanǵan bolatyn. Alaıda 3 sáýir kúni kúndiz kóz jumǵandar sany 131 adamǵa jetti.
4 shilde kúni Al Arabiya sheneýnikterge silteme jasap, kóz jumǵandar sany 200-den asty, taǵy 200-den asa adam jaraqattar alǵan dep habarlaǵan.
