Baǵdadta jarylys saldarynan 17 adam qaza boldy
ASTANA. QazAqparat - Irak astanasynyń ońtústigindegi blokbekette mına qoıylǵan júk kóliginiń jarylysy saldarynan 17 adam qaza taýyp, 60-tan astamy jaraqattandy. Jańartylǵan osyndaı derekterdi ırak polıtsııasynyń derekkózderine silteme jasap Reuters agenttigi keltirdi, dep habarlaıdy QazAqparat.
Buǵan deıin, jarylystan 13 adamnyń ajal qushqany týraly habarlanǵan bolatyn.
Agenttik málimetine sáıkes, jarylys qurylǵysy júk kóligi tekseristen ótýge kezekte turǵan kezde iske qosylǵan. Júk kóliginiń janynda bolǵan ózge birneshe kólik te jalynǵa orandy.
