Baǵdadta taǵy jarylys: 20 adam qaza tapty
ASTANA. QazAqparat - Baǵdadta taǵy jarylys boldy. Bul joly jankeshti qala ortasyndaǵy kólik salonynyń qasynda kólikti jarǵan. Apat saldarynan kem degende 20 adam qaza taýyp, on shaqtysy jaralandy, dep habarlaıdy Vestı.rý.
Zardap shekkenderdiń kóbi aýrýhana jaqyn ornalasqandyqtan aman qala aldy. Jergilikti bıliktiń aıtýynsha, kólik salonyna buǵan deıin de shabýyl jasalǵan.
Aıta keteıik, osydan eki kún buryn ǵana Irak astanasyndaǵy Sadr aýdanynyń iri bazarynyń aýmaǵynda iri jarylys bolǵan. Onyń qurbandarynyń sany 74 adam boldy. «Islam memleketi» bul jarylys úshin jaýapkershilikti óz moıynyna aldy.
