Baǵdadta perzenthanadaǵy órtte 11 jańa týǵan sábı mert boldy
ÁBÝ-DABI. Sársenbige qaraǵan túnde Baǵdadtyń batysyndaǵy ıArmýktegi perzenthanada órt boldy.
Aldyn ala málimetter boıynsha, órt elektr symdarynyń tuıyqtalýynan bolǵan. Qutqarýshylar 29 áıel men 7 sábıdi kóshirip úlgerdi. Ókinishke oraı, órtte 11 jańa týǵan sábı mert boldy.
Oqıǵa zardap shekkenderdiń týystary men jaqyndarynyń ashý-yzasyn týǵyzyp, onyń sońy mıtıngige ulasty. Aǵymdaǵy jyly Irakta memlekettik medıtsınalyq mekemelerde sýdyń, jylýdyń jáne elektrdiń bolmaýynan ókimet oryndaryna qarsy birneshe tolqýlar boldy.
Iraktyń emhanalary men aýrýhanalarynyń kópshiliginde medıtsınalyq qyzmetter talapqa saı emes, bul ıraktyqtardy shetelderde nemese jeke mekemelerde emdelýge májbúrleýde.
