Baǵdadta lańkestik áreketterdiń saldarynan 54 adam mert bolyp, 106 adam jaralandy
ASTANA. Aqpannyń 2-si. QazAqparat - Naqtylanǵan málimetter boıynsha, Baǵdadta shııt minájat etýshilerge qarsy jasalǵan lańkestik árekettiń saldarynan 54 adam mert boldy jáne taǵy 106 adam jaraqat aldy.
Irak polıtseıleri men dárigerleri búgin osyndaı málimdeme jasady, dep habarlaıdy Bı-bı-sı telekompanııasy. Buǵan deıingi aqparattarda 41 adamnyń qazasy týraly aıtylǵan edi.
Polıtsııanyń málimeti boıynsha, shabýyldy beline «shahıd belbeýin» taqqan áıel jasaǵan. Ol bombany Iraktyń Kerbele qalasyna bara jatqan shııt minájat etýshileriniń arasynda iske qosqan. Júzdegen myń shııtter Ashýradan keıingi 40-shy kúni ótetin dinı rásimderge qatysý úshin osy aptada Kerbelege aǵylady.
Irakta shııt minájat etýshilerge qarsy lańkestik áreketter únemi jasalady. Jankeshti áıelderdiń shabýyly da sırek emes. Osydan bir jyl buryn Baǵdad mańynda jankeshti áıel jasaǵan osyndaı shabýyldyń saldarynan 32 minájat etýshi qaza tapqan edi.
