Baǵdadta lańkesterdiń qolynan 19 adam ajal qushty
ASTANA. QazAqparat - Baǵdad qalasynda keshe bolǵan teraktilerdiń saldarynan 19 adam qaza tapty, dep habarlaıdy RBK Reuters-ke silteme jasap.
Osylaısha, sońǵy aı ishinde lańkesterdiń qolynan ajal qushqandar sany 1 myń adamǵa jetken, mundaı málimetti Iraq Body Count quqyq qorǵaý uıymy jarııalaǵan.
Irak astanasynyń Shýla aýdanyndaǵy qos jarylys jeti adamnyń ómirin qıdy. Jarylǵysh zat qoıylǵan avtomobıldiń jarylýynan Jańa Baǵdadta taǵy bes adam qaza boldy. Qaskúnemder Talıbııa aýdanynda tórt beıbit turǵyndy óltirgen, al Kamp-Sara aýmaǵynda úsh adamǵa oq atqan.
Ázirge jarylys úshin jaýapkershilikti eshkim moınyna alǵan joq, alaıda, el halqynyń basym bóligin quraıtyn sheıitter súnnıttik baǵyttaǵy, onyń ishinde «ál-Kaıd» uıymymen baılanys bar ıslam jaýyngerleriniń qurbandary bolyp otyr.
2013 jyly Irakta ozbyrlyq pen zorlyq-zombylyq sońǵy 5 jyl ishindegi eń joǵarǵy deńgeıine jetken. BUU málimetterine súıensek, osynyń saldarynan elde bir jyl ishinde shamamen 9 myń adam qaıtys bolǵan.
