Baǵdadta eki jarylys boldy
ASTANA. QazAqparat - Irak astanasy Baǵdadta eki jarylys boldy. Bul týraly Al Sumaria telearnasy habarlady.
Aqparattarǵa sáıkes, lańkestik aktiler turǵyndarynyń deni sheıitterden quralǵan Baǵdadtyń ońtústigindegi Abý-Dashır kvartalynda boldy. Jarylys qurylǵysy ornatylǵan alǵashqy kólik polıtsııa ýchaskesine jaqyn jerde jaryldy, ekinshisi - qaýipsizdik kúshteriniń tekserý pýnkti mańynda. Saldarynan 13 adam ajal qushyp, 18-i zardap shekti.
Juma kúni jarylǵysh zattar qoıylǵan kólikke mingen jankeshtiler ońtústiktegi Basra provıntsııasynda eki jarylys jasady. Lańkestik shabýyldar provıntsııanyń soltústigi men ońtústigindegi qaýipsizdik kúshterine qarsy jasaldy. Sońǵy málimetter boıynsha, jeti adam qaza taýyp, taǵy 15-i jaraqattandy.
