Baǵdadta alty birdeı jarylys boldy, 13 adam ajal qushty, 50-ge jýyǵy jaralandy
ASTANA. QazAqparat - Sársenbi kúni Irak astanasy Baǵdadta Saddam Hýseın rejıminiń qulaǵanyna 11 jyl tolǵan kúni alty birdeı iri jarylys oryn aldyy. Atalǵan eldiń BAQ málimetteri boıynsha, jarylys saldarynan 13 adam qazaǵa ushyrap, 46-dan astamy jaraqattanǵan, dep habarlaıdy ITAR-TASS.
Terrorlyq aktiler qalanyń ártúrli bóliginde, bir-birinen shalǵaı jasaldy. Eldegi jaǵdaıdy turaqtandyrý úshin jasalyp jatqan áreketterge qaramastan, Irak bıligi ázirge osy máseleni baqylaýda ustaı almaı otyr. Túrli toptarǵa bólingen mojahedter uıymdastyrǵan jarylystar men shabýyldar kúndelikti oryn alyp turady. Sáýir aıynyń sońynda elde AQSh áskeri shyǵarylǵan kezden bergi birinshi ret parlamentke saılaý ótedi. Onyń qorytyndysy boıynsha eldiń Premer-Mınıstri Núrı ál-Málıkıdiń úkimetti úshinshi kezeńde basqarý-basqarmaýy sheshiledi. Bolmasa lańkestik shabýyldarǵa qarsy kúreste óz sharalaryn usynatyn bıliktiń jańa komandasy qurylady.
